డిప్యూటీ సీఎం పవన్ కల్యాణ్ ఇంటికి అల్లు అర్జున్..

 

 ఏపీ డిప్యూటీ సీఎం పవన్ కల్యాణ్ (Deputy CM Pawan Kalyan) ఇంటికి సడన్ గా ఎంట్రీ ఇచ్చిన అల్లు అర్జున్ (Allu Arjun) మెగా అభిమానులతో పాటు, తన అభిమానులను కూడా ఆశ్చర్యానికి గురి చేశారు. ఇటీవల సింగపూర్ లో పవన్ చిన్న కుమారుడు మార్క్ శంకర్ చదువుతున్న స్కూల్ లో అగ్నిప్రమాదం జరగడంతో అతను గాయాలపాలయ్యాడు. అయితే స్వల్ప గాయాలతో బయటపడ్డ మార్క్ శంకర్ (Mark Shankar) ను పవన్ కళ్యాణ్ రెండు రోజుల క్రితం ఇంటికి తీసుకొచ్చారు. దీంతో అగ్ని ప్రమాదంలో గాయాలై.. ఆస్పత్రిలో చికిత్స అనంతరం భారత్ వచ్చిన మార్క్ శంకర్ ను చూసేందుకు అల్లు అర్జున్ సోమవారం రాత్రి మెగా హీరో, ఏపీ డిప్యూటీ సీఎం పవన్ కల్యాణ్ (Deputy CM Pawan Kalyan) ఇంటికి చేరుకున్నారు. తన భార్య పిల్లలతో కలిసి హైదరాబాద్‌లోని పవన్ ఇంటికి వెళ్లిన అల్లు అర్జున్, స్నేహలు మార్క్ శంకర్ (Mark Shankar) తో పాటు ఆయన కుటుంబాన్ని పరామర్శించి.. ఆరోగ్య విషయాలు అడిగి తెలుసుకున్నారు.

ఇదిలా ఉంటే గతంలో ఏపీ అసెంబ్లీ ఎన్నికల్లో అల్లు అర్జున్ (Allu Arjun) తన పవన్ కు వ్యతిరేకంగా, తన వైసీపీ అభ్యర్థి అయిన తన స్నేహితుడి తరుపున ప్రచారం చేశారు. దీంతో అప్పటి నుంచి అల్లు అర్జున్, మెగా అభిమానుల (Mega fans) మధ్య మాటల యుద్ధం నడుస్తోంది. పుష్ప సినిమా వరకు అల్లు అర్జున్ మెగా ఫ్యామిలీ హీరోగా గుర్తింపు ఉంది. కానీ ఏపీ అసెంబ్లీ ఎన్నికలు, పుష్ప 2 భారీ విజయం సాధించడంలో అల్లు అర్జున్ తనకు మెగా ఫ్యామిలీ తో ఎటువంటి సంబంధం లేదన్నట్లు వ్యవహరిస్తున్నారు. ఈ క్రమంలో అనూహ్యంగా అల్లు అర్జున్ పవన్ కళ్యాణ్ నివాసానికి వెళ్లడంతో అంతా ఒక్కసారిగా షాక్ అయ్యారనే చెప్పుకొవాలి.